Մի մրահոն աղջիկ տեսա
Ռիալտոյի կամրջին,
Հորդ մազերը— գետ գիշերվա,
ԵՎ հակինթներ՝ ականջին:
Աչքերը սև— արևներ սև,
Արևների պես անշեջ,
Գալարվում էր մեջքը թեթև
Ծաղկանկար շալի մեջ:
Աչքս դիպավ աչքի բոցին,
Ու գլուխս կախեցի,
Ժպտաց ժպտով առեղծվածի,
Հավերժական, կանացի:
Միամիտ չեմ՝ հավատամ քեզ.
Տառապանքս փորձ ունի.—
Մի մրահոն կույս էր քեզ պես,
Կոտրեց սիրտս պատանի…
- Կապույտով նշված բառերը բառակազմական վերլուծության ենթարկեք, դրանց արմատներով փորձեք նոր բարդ բառեր կազմել:
Ծաղկանկար – ծաղիկ+ա+նկար
Հավերժական – հավերժ+ական
Ծաղկաման, ծաղկազարդ, ծաղկաբույլ, ծաղկեպսակ, նկարազարդ, զարդանկար, գեղանկար, գունանկար, ծովանկար, դիմանկար, լուսանկար, հավերժություն, հավերժահարս:
- Բառարանում գտեք նարնջագույնով նշված բառերի իմաստները և սովորեք դրանք:
Մրահոն – սև հոնքեր
Հորդ – առատ, վարար
Հակինթ – երկնագույն քար
Անշեջ – անմար, մշտավառ
Գալարվել – պտտվել, փաթաթվել, ոլորվել
Պատանի – երիտասարդ, ջահել, պատանյակ
- Կանաչով նշված արտահայտությունները բացատրեք ձեր բառերով:
Աչքերը սև— արևներ սև — երբ ամեն ինչ աչքիդ մռայլ է երևում
Արևների պես – ինչ որ բան շատ պայծառ, շատ ջերմ
Աչքս դիպավ աչքի բոցին – ինչ որ մեկի կրակոտ աչքերին նայել
- Համացանցից գտեք և դուրս գրեք տեղեկություն Ռեալտոյի կամրջի մասին: Սովորեք այդ տեղեկությունը:
Ռիալտոյի կամուրջը Վենետիկի (Իտալիա) ամենահայտնի կամուրջներից մեկն է։ Մեծ Ջրանցքի չորս կամուրջներից առաջինն ու ամենահինն է։ Բաժանարար գիծ էր համարվում Սան Մարկոյի և Սան Պոլոյի շրջանների համար։ Կամուրջն առաջին անգամ կառուցվել է 1181 թ. Նիկոլո Բարատիերիի կողմից։
Ռիալտոյի շուկայի զարգացումը և նշանակալիությունը արևելյան ափում ավելացրեց երթևեկությունը լողացող կամրջի վրա, ուստի 1255 թ. այն փոխարինվեց փայտե կամրջով։ Այս կառույցը ուներ 2 թեքված կամարներ, որոնք հանդիպում էին շարժական կենտրոնական բաժնում, որը հնարավոր էր բարձրացնել, որպեսզի բարձր նավերը կարողանային անցնել։ Շուկայի հետ կապի պատճառով կամրջի անվանումը ի վերջո փոխվեց։ 15-րդ դարի առաջին կեսում կամրջի երկայնքով կառուցվեցին երկու շարք խանութներ, որոնցից գանձվող վարձավճարների շնորհիվ պետական գանձարանն ի վիճակի էր պահպանել փայտե կամուրջը։ 1310 թ. կամուրջը մասամբ այրվել է Բաջամոնտե Տիեպոլոյի գլխավորած ապստամբության ժամանակ։ 1444 թ. կամուրջը փլուզվել է նավակների շքահանդեսը դիտող ամբոխի ծանրությունից։ Այն կրկին փլուզվել է 1524 թ.։ Կամուրջը քարից վերակառուցելու գաղափարը առաջին անգամ առաջարկվել է 1503 թ.։ Հետագա տասնամյակների ընթացքում դիտարկվել են մի քանի նախագծեր: Միքելանջելոն նույնպես համարվել է կամուրջի ճարտարապետ։Ներկայիս տեսքով միակամար քարե կամուրջը կառուցվել է 1588-1591 թթ. ճարտարապետ Անտոնիո դը Պոնտեի նախագծով։ Կամուրջի երկարությունը 28 մետր է, առավելագույն բարձրությունը կենտրոնական մասում՝ 7,5 մետր։ Հենվում է 12 հազար ցցերի վրա, որոնք մխրճված են ջրանցքի հատակը։ Կամրջի վրա տեղակայված են 24 առևտրային տաղավարներ (յուրաքանչյուր կողմում 12 հատ), որոնց կենտրոնում բաժանում են կամրջի երկու կամարները։
- Ինչի՞ մասին է բանաստեղծությունը:
Բանաստեղծությունը մի պատանի տղայի մասին է, ով հանդիպում է սև հոնքերով, առատ մազերով, կրակոտ աչքերով, իսկ ականջներին երկնագույն քարով ականջօղերով աղջկա: Աղջիկը ժպտում է տղային, բայց տղան նրան չի վստահում, որովհետև նրա նման մի աղջիկ արդեն կոտրել էր տղայի սիրտը:
Արամ Բադալյանի ուսումնական բլոգ 